மர்லின் 4
என் கதையில்
எதனைத் தேடுகிறாய்
எப்போதோ தொலைந்த உன்னையா
எப்போதும் தொலையும் என்னையா
கவனமாக பார் மர்லின்
வார்த்தைகளின் இடுக்கில் கூட
நீ இருக்கக்கூடும்
எந்த பக்கம்
திறந்ததும்
உன் வாசனை கொடுக்கிறதோ
அதுதான் உனக்கான
துருப்புச் சீட்டு
வார்த்தைகளை நோக்கி
வாசனையோடு பின் தொடர்
உன்னை முன் தொடர்ந்த
என் கதையில்
எந்த பக்கத்தில் நீ
இருக்கிறாய் என்று
என்னாலும் நினைக்க முடியவில்லை
என்
எந்த பக்கமும் நீ
இருப்பதால் இந்த
குழப்பம்
முயற்சியை கைவிடாதே
இன்னும் கூட உன் தொடுதலுக்கு
ஏங்கி
வீங்கி
வரும் வார்த்தைகளைப் பாரேன்
பாவமில்லையா
#தயாஜி
0 comments:
கருத்துரையிடுக