- அந்த 7 முத்தகங்கள் -

இந்தப் புத்தகங்கள், இந்த ஆண்டின் என் வாசிப்பு பட்டியலை முடித்து வைக்க காத்திருக்கும் புத்தகங்கள்.

ஆண்டு தொடக்கத்திலேயே, இந்த ஆண்டு வாசிக்க வேண்டிய புத்தகங்களைப் பட்டியல் போட்டு பெட்டியில் அடுக்கினேன்.

ஒவ்வொரு மூன்று மாதத்திற்கும் ஒருமுறை, அந்தப் பெட்டியில் உள்ள அனைத்து புத்தகங்களையும் மீண்டும் பார்வையிட்டு கையிலெடுத்து புரட்டி, தொடர்ந்து வாசிப்பு பெட்டியில் வைக்கவும் சிலவற்றை மீண்டும் புத்தக அலமாரியில் அடுக்கி வைக்கவும் செய்தேன்.

வாசிக்க வேண்டிய புத்தகப் பட்டியலிலும் அதற்கு ஏற்றார்ப்போல சில புத்தகங்களை இணைத்துக் கொண்டே வந்தேன்.

அப்படியும் இப்படியும் என ஆகிப்போன கணக்கில் இந்த ஆண்டின் வாசிப்பை நிறைவு செய்யக்கூடிய புத்தகங்களாக இவை கையில் எஞ்சியுள்ளன.

வழக்கமான என வாசிப்பு கணக்கில் (அப்படியொரு கணக்கு என்னிடம் உள்ளது. ஒருநாள் அதுபற்றியும் பகிர்ந்து கொள்கிறென்) இவை ஏழு புத்தகங்கள் எழுநூற்று ஐம்பது பக்கங்கள். புத்தாண்டு பிறக்க இன்னும் 15 நாட்கள் உள்ளன.

அதற்குள் இவற்றை வாசித்து முடித்துவிட்டால் இந்த ஆண்டு தொடக்கத்தில் நான் போட்ட திட்டமிடல் எனக்கும் மனநிறைவைக் கொடுக்கும்.

ஒருவேளை அதிகம் வாசிக்க வாய்ப்பு கிடைத்தால்; கொஞ்சமாய்க் கொண்டாடிக்கொள்வேன்.

இந்தப் பதினைந்து நாட்களில் இவற்றில் எது வாசிப்பில் கரையேறுகிறதோ; அல்லது புத்தக அலமாரிக்கு செல்கிறதோ; புதிதாக எதுவும் இணைகிறதோ;
என என்னால் யூகிக்கவே முடியாது. அதற்கு சில புறவய காரணங்களும்
என் உடல்நிலை காரணங்களும்
இருக்கவே செய்கின்றன.

சின்ன சின்ன வெற்றிகளைக் கொண்டாடி மகிழ்வோம். நமது பெரிய பெரிய காயங்களையும் இழப்புகளையும் கொஞ்ச நேரம் மறந்திருக்கச்செய்யும்.