- 6 சிறியது 5 பெரியது -
இன்னும் எவ்வளவு தூரம்தான் ஓடும். ஓட முடியும். ஓட வேண்டும். மானின் வேகத்தை எது முடிவு செய்கிறது. அதன் கால்களா அல்லது துரத்தும் சிறுத்தையின் கால்களா.?
அதிவேக சிறுத்தைக்கு சாமர்த்தியமாக போக்கு காட்டுகிறது மான். ஓடிய வேகத்தில் சட்டென மான் நின்றுவிடுகிறது. இதனை எதிர்ப்பாக்காத சிறுத்தை மானைத் தாண்டியும் ஓடுகிறது. மீண்டும் இன்னொரு திசையை நோக்கி மான் துள்ளி குதிக்கிறது. ஒருமுறையல்ல, தொடர்ந்து மூன்று நான்கு முறைக்கும் அதிகமாகவே மான் தன் சாமார்த்தியம் காட்டினாலும் புரிந்து கொள்ளாத சிறுத்தை தோற்றுக்கொண்டே இருக்கிறது.
இவ்வோட்டம், மானுக்கு சிறுத்தைக்குமான ஓட்டமல்ல. பசிக்கும் பயத்திற்குமான போட்டி. எது முந்தும் எது பிந்துமென முன் யூகங்கள் அந்தந்த நேர வலிமையின் பொருட்டு மாற்றப்பட்டுகொண்டே இருக்கும்.
அதோ, பயத்தை பசி வீழ்த்திவிட்டது. ஆனால் பசி முழுமையாக வென்றிடவில்லை. கைப்பிடியில் சிக்கிய மானை சிறுத்தை ஏதும் செய்யவில்லை. அதனால் முடியவில்லை. மானை நன்கு முகர்ந்த சிறுத்தை தன் இறுக்கத்தை தளர்த்தியது. பிடியை விட்டுவிட்டது. ஒரு முறை மானின் வயிற்றை தன் நாவால் தடவி கொடுத்ததும் சிறுத்தை மெல்ல நகர்ந்தது. மான் எழுந்து நிற்கிறது.
எங்கிருந்தோ வந்த துப்பாக்கியின் தோட்டா, உயிர் பிழைத்து நின்ற மானின் வயிற்றில் நுழைந்து அதன் கருவின் குருதியுடனும் வெளியில் தெறிக்கிறது....
0 comments:
கருத்துரையிடுக