தி.ஜானகிராமனின் 'முள் முடி'

 💙தினம் ஒரு கதை 12/30💙

எல்லா சமயத்திலும் நம்மால் நல்லவர்களாக நடந்து கொள்ள முடியுமா? நாம் நல்லவர்களாகவே இருந்தாலும் கூட நம்மால் யாருக்கும் வலியோ வருத்தமோ வராமல் இருக்குமா? என்கிற குழப்பத்திற்கு ‘முள் முடி’ என்னும் சிறுகதையின் வழி தெளிவு பெறலாம்.

தி.ஜானகிராமன் மிகச் சரியான கதாப்பாத்திரத்தை கதையின் முக்கிய கதாப்பாத்திரமாக தேர்வு செய்து அதற்கான பின்புலத்தையும் அமைத்திருப்பார். வெறுமனே ஆசிரியராக இல்லாமல், அன்பை போதிக்கும் அதன் வழி நடக்கும் போதகரையே ஆசிரியராக பயன்படுத்தியிருப்பார்.

எந்த ஒரு காரண காரியமின்றி தான் சொன்ன ஒரு வார்த்தை ஒரு சிறுவனுக்கு எவ்வளவு பெரிய மன உளைச்சலைக் கொடுத்திருக்கும் என நாம் வாசிக்கும் இடத்தில் நிச்சயம் செய்வதறியாது நிற்போம்.

அடிக்கடி எடுத்து வாசிக்கும் சிறுகதைகளில் இதுவும் ஒன்று. ஒரு வகையில் இது நமக்கான மன ஆறுதலைக் கொடுக்கும் கதை. நமது சொல்லும் செயலும் எல்லோருக்கும் நன்மைகளை மட்டுமே கொடுப்பதில்லை என்கிற தப்பித்தலை இச்சிறுகதை நமக்கு கொடுக்கும். வாசித்து பாருங்களேன்.

#தினம்_ஒரு_கதை #தயாஜி

#புத்தகச்சிறகுகள்_புத்தகக்கடை