'வான் பறப்போம் வா'

சகோ

இவர்கள் தரும்

பாராட்டும் பட்டமும்

அறிவுரையும் அங்கிகாரமும்

விருதும் விளம்பரமும்

தங்கமாய் ஜொலிப்பவை

தங்கக்கவசங்களை

அழகு பார்த்து

அடகு வைக்கலாமே தவிர

அச்சுமை சுமந்து

வான் பறக்க முடியாது

வலி துயர் சுமந்தும்

பறந்துப்பழகிய நம்

சிறகுகள்

தங்கம் சுமக்க தயாரில்லை

அவர்களை அவர்களாகவே

விட்டுவிட்டு

வழக்கம் போல

துயர் சுமந்தே

வான் பறப்போம் வா

உதிர்ந்து விழும்

நம்

உதிரச்சிறகுகளை வைத்துக்

கொண்டு ஒப்பாரி

வைக்கட்டும்

நம் கண்ணீர் மழையில்

இவர்கள் நனைந்துக் கொள்ளட்டும்

நம் போன்றவர்களுக்கு புது

நம்பிக்கை துளிர்க்கட்டும்....

அன்புடன் #தயாஜி