நாங்கள் மீசையுடன்
தாடியை மழுங்கடித்திருப்போம்...
மண்டையைத் தவிர
வேறெங்கினும் மயிர் முழைத்தால்
அளிக்கப்பட்ட பயிற்சி வீண்
அம்மா முதல் தங்கை அண்ணி
பக்கத்து வீட்டு பாட்டி ஆண்டி
என
அனைவரையும்
மூச்சு முட்ட கட்டியணைப்போம்
அப்படியே கவிழ்த்தும் பிடிப்போம்
அங்கும் அதுதான்
அப்பா முதல் அண்ணன் தம்பி
பக்கத்து வீட்டு தாத்தா அங்கல்
என
அனைவரையும்
மூச்சு முட்ட கட்டியணைத்து
கவிழ்த்து பிடித்து காதோடு மூக்கை உரசி
பயிற்றுவிக்கப்பட்டதை செய்து
பரவசமடைவோம்
பக்கத்தில் இருப்பவர்
யாரெனினும் கவனம் குறைப்போம்
இதுவரை காத்ததாய்
சொல்லி வந்த
கடவுளையும் கடவுள் சார்ந்த கதைகளையும்
தூக்கியெறிவோம்
ஜாதி மட்டும் பாக்கேட்டில்
பத்திரமாய்
அம்மா கேட்டாலும் அப்பாதான் கேட்டாலும்
நீங்கதான் முட்டாள் நாங்களுமா
என மூக்குடைப்போம்
அதிகம் பேச்சில்லை
வெளியே விரட்டு
கதவடைப்போம்
எங்கள் பயிற்சியில்
பாவமில்லை
புண்ணியமில்லை
உட்புகுவது சோறு
வெளித்தள்ளுவது மலம்
தத்துவமல்ல
பயிற்சி
திருவள்ளுவர் கூட தவறிக் குறிப்பிட்ட
வார்த்தை - முயற்சி
தமிழ் உருப்பட
தமிழர்கள் உயர்ந்திட
முயற்சி வார்த்தையை
மூட்டைக் கட்டுகிறோம்
செய் இல்லை சாவு
இதுதான் நாங்கள்
நினைவுருத்தல்
இது
தத்துவமல்ல
வேதமல்ல
தப்பான குறளல்ல
தவறிச் செல்லும் மதமல்ல
படித்திடாத வேதமல்ல
பயிற்சி
பயிற்சி
பயிற்சிதான்
கடவுளை வணங்குதல் தவறென்போம்
சிலை உருவிலும்
பட வடிவிலும்
கடவுளுமில்லை
கண்றாவி ஏதுமில்லை
என்றுதான்
ஊரூராக செல்வோம்
குழுவாக
மாட்டிக்கொண்டவர்களின்
மண்டையை மணியடித்ததாய்
புரட்சிக் கருத்தில் கழுவி
கை கோர்த்து நடந்திடுவோம்
பயிற்சிபடி அவர்களை நடத்திருவோம்
பயிற்சியாளர் வருவார்
வெண்மை உடையில்
அதே முடியில்
அவரின்
முகம் பொறித்த பட்டைகளை
கோட்டு சூட்டில் தொங்கவிடுவோம்
வீட்டில் கூட அவர் போட்டொ சிரிக்கவிடுவோம்
தாலி மட்டும் ஆகாதவர்க்கு
கழட்டி எறிவதே தமிழகர்களின்
தலையாக கடமையென்பார்
அவர் மதம் சிலுவை என்றும் குறிப்பிடுவார்
ஆமோதிக்கும் அரைப்பாவாடைகாரிகள்
மூலைக்கு நான்கு நாற்காலியில் குந்தியிருக்கும்
தேவையில்லாததற்கெல்லாம் கைதட்டும்
வந்திருப்போரும் அதைச் செய்வர்
கடவுளை கிண்டுவோம்
அரைப்பாவாடைகள் ஆமோதிக்கும்
வந்திருப்போரும் அதையே செய்வர்
இப்படி இப்படியாக சேர்ந்த கூட்டம்தான்
எங்கள் கூட்டம்
நீங்களும் சேரலாம்
ஆனால் சிலவற்றை செய்தால் மட்டும்
சேர்த்துக் கொள்வோம்
தாலியைக் கழட்டுங்கள்
சாமி படங்களை ஒடித்தெறியுங்கள்
திருக்குறளே தவறென்றெண்ணுங்கள்
எல்லாம் மனம்தான் சொல்லுங்கள்
எல்லாம் மனம்தான்
பயிற்சியாளர்க்கு
கட்டணம் செலுத்திடுங்கள்
அவர் முகம் பொறித்த படங்களை வீட்டில் மாட்டுங்கள்
அவர் போட்டோக்களை சட்டை காலரிலும்
பாக்கேட்டிலும் குத்தி வைக்க தயாராகனும்
முடிவாக
யாரும் யாரும் வணக்கம் சொல்லவோ
ஒருவரை மதித்து ஒருவர் வணங்குதல்
இழுக்கு
குனிந்து தலை உயர்த்தி
உங்களை என்னுள் மதிக்கிறேன் என்றே
சொல்லி நிமிரனும்
இத்தனை சொல்லிட்டேனே
இனியாவது எங்களுடன்
கைகோருங்கள்
புதிதாக மாத இதழ் ஒன்றையும்
தொடங்கிட்டோம் தெரியுமா
நிறைவாக
ஒன்று
‘டைனமிக்’ என்றால் அர்த்தம் தெரியுமா
எனக்கு தெரியாது
தேடிக் கொண்டிருக்கிறேன்
கவனிக்க
- றேன்
- றோம்
அல்ல........
-தயாஜி-
கருத்துகள் இல்லை:
கருத்துரையிடுக